Ek begin met 'n proses van eliminasie. Eerste ding wat ek check is of dit dalk die head gasket kon wees (mens kyk mos of die olie 'n melkerigheid het of nie) maar dit is nie die probleem nie, die olie is nog skoon.
Volgende is die foutiewe termostaat wat ek verlede week uitgehaal het. Terwyl ek so by Goeie Hoop onderdele staan, vra ek so terloops vir die ou hoeveel Lobo se waterpomp sal kos (want ek het Peter se raad gevat en met 'n lang skroewedraaier gaan luister na die waterpomp (het geklink soos 'n handvol 5 sente in 'n tuimeldroër).
Kyk, ek het myself voorberei op honderde rande. Toe my vrou se Golfie vroeër vanjaar moeilikheid gegee het het die termostaat en waterpomp R300 elk gekos. Ek was al klaar verlig oor die termostaat vir R47. So toe die knaap my meedeel dat die waterpomp R180 kos, se ek vir hom sommer opslag dat hy hom ook moet oplui. Vandag maak ek hom heeltemal reg!
So terug by die workshop waar ek aan Lobo gewerk het (my nuwe huis het nie 'n motorhuis nie, so ek werk by Gomad hier in Kaapstad aan Lobo - die ouens help graag met kennis) begin ek toe alles afhaal om die waterpomp te vervang.
Nou wil ek met julle 'n speletjie speel... kyk na die volgende foto... Dan moet julle raai watter een is die ou waterpomp....
Jip, die een wat 'n propeller-thingy inhet is die nuwe pomp, die een wat nie meer 'n propeller thingy het nie is die ou pomp (geen punte as jy verkeerd geraai het nie!)
Wel, nadat ek die pomp teruggesit het en die hele ding weer aanmekaar gesit het, het ek my asem opgehou en vir Lobo gestart... En hy loop nou weer so doeksag soos die dag, baie jare gelede, daar iewers in Japan toe die mannetjie met die skrefies-oë die enjin die eerste keer gestart het...
Ek is SO bly hy raas nou nie meer so baie nie... nou moet ek nog net die squeak uitsorteer - maar ek reken dit is die bushes van die suspension... so dit behoort nie TE moeilik te wees nie...
en daarna is dit ek en die verfwerk!
