Arnolg wrote: ↑06 Jun 2025 15:00 Grootste diens ooit!
Ek het nou al vir 'n jaar lank gesit met klein goeters wat my gepla het aan die Patrol. Van hulle is klein, van hulle dink ek is eintlik groot, maar waneer jy jou kop in die sand druk is alles klein.
Ek het 'n lys gemaak van alles en dit vir Anthony gegee, met die idee dat hy by meeste van die goed sal kan uitkom.
Wat ek teruggekry het is 'n splinternuwe Patrol wat heeltemal anders bestuur as voorheen, op 'n baie goeie manier.
Hier is alles wat gedoen was.
1.Die starter het begin skree - recon.
2.Die agterste skokbrekers was moertoe - replace.
3.My deure wou nie meer sluit met die central locking nie - vervang die solenoids.
4.Die bushes op my radius arms was moeg en ook die verkeerdes vir 'n 50mm lift - vervang met castor correction bushes. (ek het drop bokse van Peter, maar ek het gehoop ons kon sonder hulle klaar kom sodat ek nie op klippe hang nie - sal hulle hou vir 'n ander dag)
5.Check al die olies orals - gecheck en transfer olie vervang.
5.1 Filters en sparkplugs - gedoen.
6.Kragstuur vloeistof vervang met nuwes.
7.Een of ander voeel of muis het probeer nesmaak in die radiator - maak skoon.
8. Speling op die waterpomp - vervang.
9.Agterste regter trailing arm se bush was kaput - vervang
10. Grease al die grease goete - gegrease
11. Die kar het wild na regs geswaai as mens hard briek - maak die slide pin reg en vervang die boots.
12. Die klein parkeer liggies se LED globes was ook moertoe. Dit het gelyk asof ek 'n polisiekar was met die ge-flikkery - vervang
13. Verstel die handbriek - geverstel
14. Die brieke was verskriklik sag - brieke gebloei.
15. Kodeer 'n nuwe sleutel omdat ek net een gehad het - nuwe sleutel ge-kodeer.
Die ding wat my verbaas het is dat meeste van die goed in die lys self deur Anthony opgetel is omdat hy so blerrie deeglik werk. Ek het oorspronklik net 'n paar goetjies gehad om te doen. Die ding is, Anthony het al die BELANGRIKE dinge opgetel wat sou breek as mens nie dit aandag gegee het nie.
Nadat ek weer die Patrol by hom gaan haal het, kon ek nie glo dat dit nog dieslefde Patrol is nie. My eerste ding waaraan ek gedink het was dat dit voel asof al 4 wiele nou heeltyd op die pad was.
Dit het ook nie meer gevoel asof die kar my wou doodmaak as ek briek nie.
Daar is 'n dokumenter op Netflix wat gaan oor die Amerikaanse Thunderbirds. Dis klomp vlieeniers wat gevaarlike toertjies doen.
Die een ding waaraan hulle aandag gee is "Blind trust", anders vrek hulle almal.
Ek kan nou met volle vertroue se dat ek vir Anthony enige dag met 'n Patrol kan "blindly trust".
Die rocksliders is volgende en dan 'n klein verassingtjie aan myself van myself, al die pad van die Kaap af. Ek sal fotos opsit wanneer die verassingtjie klaar is.
Anthony is tops! Always thorough proper work done by him!
